اسلام آباد(نیوز ڈیسک)ملکہ برطانیہ نے پولیو سے متاثرہ باہمت پاکستانی نوجوان سلمان احمد کو ینگ لیڈر ایوارڈ سے نو ازا ہے۔ بچپن میں پولیو کا شکار ہونے والے سلمان احمد نے اپنی بیماری سے ہمت نہ ہاری تھی اور خود بھی عملی زندگی میں بڑھ چڑھ کر حصہ لیا اور اپنے جیسے نوجوانوں کے لیے ایک فاونڈیشن بھی بنائی ہے۔ بکنگھم پیلس میں پاکستانی نوجوان سلمان احمد نے ملکہ برطانیہ الزبتھ دوم سے دی کوئینز ینگ لیڈر ایوارڈ2015 وصول کیا۔ برطانیہ میں پاکستان کے ہائی کمشنر سید ابن عباس نے بھی سلمان احمد سے ملاقات کی اور سلمان احمد کی ہمت و حوصلے پر خراج تحسین پیش کیا۔ شاہی محل میں ان جیسے18 سے 29برس کے بچوں کے اعزاز میں منعقد تقریب میں اسٹار فٹبالر ڈیوڈ بیکھم اور برطانیہ کے سابق وزیراعظم جان میجر نے بھی شرکت کی۔#