اسلام آباد(نیو ز ڈیسک)اسرائیل کے وزیر داخلہ سلفان شالوم کی اہلیہ کو حال ہی میں مائیکرو بلاگنگ ویب سائیٹ “ٹیوٹر” پر پوسٹ کی گئی اپنی ایک مختصر مگر متنازعہ ٹویٹ پر امریکی صدر باراک اوباما سے معذرت کرنا پڑی ہے۔غیر ملکی خبر رساں ادارے کے مطابق برطانوی اخبار “ڈیلی ٹیلی گراف” نے متنازع ٹویٹ کا احوال بتایا ہے۔رپورٹ کے مطابق اسرائیلی وزیرداخلہ کی اہلیہ جوڈی شالوم نیرموزیس نے ٹیوٹر پرلکھا کہ “کیا آپ جانتے ہیں کہ اوباما کافی کیسے بناتے ہیں؟۔ سیاہ اور نہایت کمزور”موصوفہ جو کہ اسرائیل کے ایک ٹی وی پروگرام کی میزبان بھی ہیں کو اس ٹویٹ پر اپنے فالورز سے کھری کھری سننا پڑی ہیں۔عوامی رد عمل کے بعد جوڈی نے متنازع ٹویٹ کی جگہ صدر باراک اوباما اور ان کے چاہنے والوں سے معذرت کی ہے۔