طرابلس(نیوزڈیسک)اقوام متحدہ کے سفیر برائے لیبیا نے کہا ہے کہ مسلح تنازع کے باعث لیبیا کے پاس سرمایہ ختم ہوتا جا رہا ہے اور حکومت کے پاس سرکاری ملازمین کی تنخواہوں کیلئے درکار فنڈز صرف آئندہ 6 ہفتوں کیلئے ہیں۔ انہوں نے لیبیا کی خانہ جنگی میں شامل فریقین سے اپیل کی کہ وہ ایک قومی حکومت کے قیام پر متفق ہو جائیں۔ واضح رہے کہ الجزائر میں لیبیا کے سیاسی رہنماو¿ں اور جمہوریت پسندوں کے جاری اجلاس میں قومی حکومت کے قیام کیلئے ایک نئے مجوزہ معاہدے پر اتفاق رائے کی کوشش کی جا رہی ہے۔