اسلام آباد(نیوز ڈیسک)امریکی صدر کی رہائش گاہ وائٹ ہاﺅس کو جاسوس طیارے کی اطلاع پر تھوڑی دیر کے لئے بند کر کے سکیورٹی بڑھادی گئی دو ماہ کے دوران دوسری بار ڈرون کی پرواز کی وجہ سے امریکی صدر کی سرکاری رہائش گاہ کوبند کرنا پڑا ہے۔کڑے پہروں کے سائے میں بنے امریکی صدر کی رہائش گاہ پر حفاظتی حصار کی قلعی کھل گئی۔ بغیر پائلٹ کے جاسوس طیارہ وائٹ ہاوس کے لان میں آگرا اور کسی کے کان پر جوں تک نہیں رینگی۔ دنیا کی جاسوسی کرنے والی سپر پاور، سیکیورٹی کے سخت اور فول پروف انتظامات کے دعوے، لیکن حقیقت اس کے برعکس ہے کہ کبھی کوئی کھلونا ڈرون وائٹ ہاﺅس میں آ گرتا ہے تو کبھی کوئی شخص دیواریں پھلانک کر آدھمکتا ہے۔بغیر پائلٹ طیارے کی پرواز کی اطلاع پر وائٹ ہاﺅس کی سیکیورٹی سخت کردی گئی، وائٹ ہاو¿س ترجمان کا کہنا تھا کہ لان پر گرنے والے ڈرون سے کوئی خطرہ نہیں، یہ ایک کھلونا ڈرون ہے جس کی تحقیق کی جارہی ہے۔