اسلام آباد(نیوز ڈیسک) اٹلی میں ائیر شو کے دوران دو طیارے ٹکرا کر سمندر میں جا گرے ، حادثے میں ایک طیارے کا پائیلٹ ہلاک ہوگیا۔ اٹلی کے شہر الباایڈریاٹکا میں معمول کے مطابق طیارے ائیر شو میں کرتب دکھا رہے تھے کہ اچانک دو طیارے خطرناک حد تک ایک دوسرے کے قریب آگئے۔ دونوں طیاروں کے پائیلٹس نے ایک دوسرے کو بچانے کی بھرپور کوشش کی لیکن ناکام رہے ، اور دونوں دورانِ پرواز ہی ٹکرا گئے۔ حادثے میں ایک طیارے کا پائیلٹ ہلاک ہوگیا جبکہ دوسرا محفوظ رہا۔ ساحل پر موجود لوگوں حادثے کو دیکھ کر سہم گئے۔