اسلام آباد(نیو زڈیسک) ترکی کے سابق صدر کنعان ایورن حرکت قلب بند ہونے سے انتقال کر گئے۔ انکی عمر اٹھانوے برس تھی۔ ۔ ترکی کی سرکاری میڈیا کے مطابقسابق صدر ایورن انقرہ کے فوجی اسپتال میں زیر علاج تھے۔ وہ ترک فوج کے سربراہ تھے اور 1980 میں وزیر اعظم سلیمان ڈیمرل کی منتخب حکومت کا تختہ الٹ کر اقتدار پر قبضہ کیا تھا۔ وہ نو برس اقتدار پر قابض رہے اور 1982 میں ترکی کے ساتویں صدر بن گئے۔ انہیں گزشتہ برس اٹھارہ جون کو بغاوت کرنے جمہوری عمل میں رکاوٹ ڈالنے، پارلیمنٹ اور سینیٹ ختم کرنے، اور آئین منسوخ کرنے کے جرم میں عمر قید کی سزا دی گئی تھی،،،اور انکی جنرل کے عہدے سے تنزلی کر دی گئی تھی۔