میلبورن(نیوزڈیسک)آسٹریلیا میں پولیس نے دہشت گردی کے ایک منصوبے کو ناکام بنانے کا دعویٰ کرتے ہوئے میلبورن کے مضافات سے ایک 17 سالہ نوجوان کو گرفتار کر لیا ہے۔پولیس کے مطابق اس کارروائی میں شہر میں تین دیسی ساختہ بموں سے دھماکے کرنے کی منصوبہ بندی کو ناکام بنایا گیا ہے۔گزشتہ روز پولیس نے میلبورن کے شمال میں گرین ویل نامی علاقے میں ایک گھر پر چھاپہ مارا تھاوہاں سے حراست میں لیے جانے والے نوجوان کی شناخت ابھی نہیں بتائی گئی اور اسے پیر کو عدالت میں پیش کیا جائےگا۔ نوجوان پر دہشت گردی کی کارروائی کی تیاری کرنے اوردہشت گردی کی کارروائی سے جڑی چیزیں رکھنے‘ کے الزامات عائد کیے گئے۔پولیس نے ان تینوں بموں کو ناکارہ بھی بنا دیا جو مارے گئے چھاپے کے دوران برآمد ہوئے تھے۔