دبئی سٹی (نیوز ڈیسک) خلیجی ریاست راس الخیمہ میں عدالت نے ایک وکیل کے قتل کے جرم میں مقتول کی بیوی اور اس کے دو پاکستانی ساتھیوں کو سزا سنادی ہے۔”ایمریٹس 247“ کے مطابق 54 سالہ وکیل احمد الدنانی کے قتل کی فورینزک تحقیقات سے معلوم ہوا تھا کہ اسے نشہ آور شے کھلانے کے بعد قتل کیا گیا تھا۔ مقتول وکیل کی بیوی اور اس کے ساتھی پاکستانی مردوں نے اپنے جرم کا اعتراف کرتے ہوئے بتایا کہ انہوں نے وکیل کو ہلاک کرنے کے بعد اس کی لاش گاڑی میں ڈال کر گاڑی کو ایک گہری کھائی میں دھکیل دیا تاکہ قتل کو حادثے کا روپ دیا جاسکے۔ خاتون کے 12 بچوں نے اسے معاف کردیا تھا لیکن عدالت نے اسے عمر قید کی سزا سنائی جبکہ اس کے ساتھی پاکستانیوں میں سے ایک کو عمر قید کی سزا جبکہ دوسرے کو سزائے موت سنائی گئی۔

مزید پڑھئے:نو سالہ بچی کو یوٹیوب نے لکھ پتی بنادیا