واشنگٹن (نیوزڈیسک)امریکہ میں منیشات کی روک تھام کے ادارے ڈرگ انفورسمنٹ ایجنسی (ڈی ای اے) کی سربراہ مشیل لیون ہارٹ اپنے عہدے سے مستعفی ہو گئی ہیں ان کا استعفیٰ کا فیصلہ محکمے کے حکام کی جانب سے سیکس پارٹیوں میں شرکت کے الزامات کے بعد سامنے آیا ان کے ریٹائرمنٹ کا اعلان اٹارنی جنرل ایرک ہولڈر نے کیا۔یہ فیصلہ امریکہ کی وزارت انصاف کی جانب سے گذشتہ ماہ پیش کی جانے والی ایک رپورٹ کے پیش نظر کیا گیا۔ رپورٹ میں یہ الزام لگایا گیا تھا منشیات کی روک تھام کرنے والے ایجنٹوں نے ایسی پارٹیوں میں شرکت کی جن میں جنسی پیشہ ور خواتین شامل تھیں اور ان میں سے بعض پارٹیوں کے منشیات کے مقامی مافیا نے بیرون ممالک منعقد کروایا۔وقاقی ایجنسی نے بتایا کہ یہ واقعہ کولمبیا میں پیش آیا تھا۔مسٹر ہولڈر نے کہا کہ میشیل نے اس مخصوص ادارے کی وقار کے ساتھ سربراہی کی اور میں انھیں قومی سلامتی اور شہریوں کو جرم استحصال اور ناجائز سلوک سے محفوظ رکھنے کے معاملے میں اپنا شریک کار کہتا ہوں۔انھوں نے کہا کہ میشیل لیون ہارٹ مئی کے وسط میں ایجنسی کو خیرباد کہہ دیں گی