اسلام آباد(نیوز ڈیسک) عراقی دارالحکومت بغداد اور دیگر میں ہونے والے متعدد بم دھماکوں کے نتیجے میںہلاکتوں کی تعداد 49ہوگئی درجنوں زخمیوں میں بعض کی حالت نازک ہے جس کے باعث ہلاکتوں میں اضافے کاخدشہ ہے میڈیا رپورٹ کے مطابق نامعلوم گروپس کی جانب سے حملوں میں عوامی مقامات کو نشانہ بنایا گیا ہے۔پولیس کا کہنا ہے کہ پہلا دھماکہ بغداد کے علاقے حبیبہ میں ایک کار میں ہوا جس سے 20 افراد ہلاک اور 26 سے زائد زخمی ہوگئے۔واقعے کے بعد دھوئیں کے گھرے بادل دیکھے گئے اور 11 کاروں کو آگ لگ گئی ¾واقعہ کے بعد سیکیورٹی فورسز نے علاقے کو گھیرے میں لے لیا۔واقعے سے آدھا گھنٹہ قبل دارالحکومت کے جنوب مغربی علاقے امل میں ایک کار میں دھماکہ ہوا جس میں 15 افراد ہلاک اور 24 زخمی ہوگئے۔ادھر ضلع نیو بغداد کے جنوب مشرقی علاقے کی ایک تجارتی شاہراہ پر ہونے والے بم دھماکے میں 6افراد ہلاک اور 9 زخمی ہو گئے تھے۔دوسری جانب دورا میں ہونے والے بم دھماکے میں 3 خریدار ہلاک اور ایک کیفے پر ہونے والے علیحدہ بم دھماکے میں بھی 3 افراد ہلاک ہوئے۔پولیس حکام کے مطابق بغداد کے جنوبی علاقے صحوا میں سڑک کنارے نصب ایک بم کے دھماکے میں دو سیکیورٹی افسر ہلاک ہو ئے۔
مزید پڑھئے:دنیا کے 5 کروڑ 80 لاکھ بچے تاحال اسکول سے محروم ہیں، یونیسکو
امریکی حکومت کے ترجمان نے دھماکوں کے نتیجے میں امریکی قونصلیٹ کے کسی ملازم یا افسر کے زخمی ہونے کی تردید کی ہے۔
