ریاض (نیوزڈیسک)سعودی عرب کی قیادت میں اتحاد کے ترجمان بریگیڈیئر جنرل احمد العسیری نے کہا ہے کہ یمن میں حوثیوں کی شورش پسندی کے پیچھے ایران کا ہاتھ کارفرما ہے، ایران ہی نے شیعہ ملیشیائیں قائم کیں اور انھیں اسلحہ مہیا کیا ہے۔احمد العسیری صحافیوں کو یمن میں حوثی باغیوں کے خلاف جاری آپریشن فیصلہ کن طوفان کے بارے میں معمول کی بریفنگ دے رہے تھے۔انھوں نے کہا کہ اتحاد کے تحت چلنے والے بحری جہازوں نے یمن میں اسلحہ اسمگل کرنے کی کسی کوشش کا سراغ نہیں لگایا ہے اور اس وقت یمن کی ساحلی اور فضائی حدود ان کے کنٹرول میں ہیں۔ اتحادی طیاروں نے یمن کے جنوبی علاقوں میں حوثی باغیوں کی مزاحمت کرنے والے مقامی گروپوں کے لیے فوجی اور طبی امدادی سامان بھی گرایا انھوں نے بتایا کہ اتحادی طیاروں نے یمن میں حوثی ملیشیا کے خلاف فضائی حملے جاری رکھے ہوئے ہیں۔اس کے علاوہ سعودی عرب کی برّی فوج نے یمن کے ساتھ سرحدی علاقے میں حوثی جنگجوو¿ں کے خلاف کارروائی کی ۔