اسلام آباد(نیوز ڈیسک) واشنگٹن میں امریکی محکمہ خارجہ، وائٹ ہاوس اور محکمہ انصاف سمیت کئی اہم عمارتوں کی بجلی اچانک غائب ہوگئی جس کے بعد محکمہ خارجہ میں ہونے والی پریس بریفنگ روکنا پڑ گئی۔امریکی نشریاتی ادارے کے مطابق محکمہ خارجہ کی طرف سے جاری بیان میں کہا گیا ہے کہ محکمہ خارجہ کی مرکزی عمارت سمیت اردگرد کی کئی عمارتیں تاریکی میں ڈوب گئیں جس کے باعث روزانہ کی بنیاد پر ہونے والی پریس بریفنگ روک دی گئی۔ بیان کے مطابق ان عمارتوں کو بجلی فراہم کرنے والے فیڈرزاچانک ٹرپ کر گئے۔دوسری جانب بریک ڈاﺅن کے باعث وائٹ ہاﺅس سمیت کئی اہم سرکاری ادارے بھی اندھیرے میں ڈوب گئے جب کہ میٹرو ٹرین سروس بھی شدید متاثر ہوئی۔ بجلی فراہم کرنے والی کمپنی کا کہنا ہے کہ اچانک بجلی کی بندش کی وجوہات سامنے نہیں آئیں تاہم اس حوالے سے تحقیقات کا آغاز کردیا گیا ہے۔