دمشق(نیوز ڈیسک) شامی اپوزیشن اور فلسطینیوں نے جنگجو گروپ ’داعش‘ کو دمشق کے جنوب میں واقع مہاجر کیمپ یرموک کے بڑے حصے کوآزاد کرا لیا،جنگجوﺅںنے بدھ کوہی کیمپ پر دھاوا بول کر اس کے متعدد حصوں پر قبضہ کیاتھا۔
انسانی حقوق کے مانیڑنگ گروپ نے بتایا کہ مسلح گروپوں نے یرموک کیمپ کے وہ تمام علاقے آزاد کرا لئے ہیں، کیمپ کے باسی اس بات پر حیران تھے کہ داعش کیسے دارلحکومت کے اتنا قریب پہنچنے میں کامیاب ہوئی، اس صورتحال کا احساس کرتے ہوئے فلسطینی تنظیموں نے مقامی مسلح اپوزیشن کے ساتھ ملکر جوابی کارروائی کا آغاز کیا اورکیمپ کو داعش کے چنگل سے آزاد کرا لیا۔
دمشق میں تنظیم آزادی فلسطین کے سیاسی سرکل کے سربراہ انور عبدالھادی نے بتایا کہ حماس کی ذیلی تنظیم اکناف بیت المقدس کے کارکنوں کی بدھ اور جمعرات کی شب داعش کے جنگجوﺅں سے مڈبھڑ ہوئی جس کے نتیجے میں ہلاکتیں بھی ہوئیں ۔
انسانی حقوق آبزرویٹری کے ڈائریکٹر رامی عبدالرحمان نے بتایا کہ شامی اپوزیشن کے جنگجوﺅں نے کیمپ میں داخل ہو کر فلسطینیوں کی مدد کی اورداعش کے ساتھ جھڑپوں کے بعد کیمپ کا کنڑول حاصل کر لیا۔