نئی دہلی(نیوز ڈیسک) بھارت میں ٹرین کے سفر کے دوران بنا ٹکٹ کے سفر کر نے والے 40پولیس اہلکار ٹوائلٹ میں پکڑے گئے۔ ٹکٹ کے بغیر سفر کرنا صرف عوام کو نہیں پو لیس والوں کو بھی مشکل میں ڈال سکتا ہے۔ بھارت میں آگرہ سے متھورا جانے والی ٹرین میں اس وقت دلچسپ صورتحال سامنے آئی جب ٹرین کے ٹوائلٹ میں 40پولیس اہلکار پائے گئے، پوچھ گچھ سے معلوم ہوا کہ ان تمام اہلکاروں کے پاس ٹکٹ ہی نہیں تھا۔ پولیس اہلکاروں کے علاوہ دیگر افراد کو بھی بنا ٹکٹ کے سفر کر نے پر چالان کا سامنا کرنا پڑا۔