ریاض(نیوز ڈیسک)سعودی عرب نے غیر قانونی طور پر مقیم افراد کو ملک بدر کرنے کا اعلان کردیا۔سعودی میڈیا رپورٹس کے مطابق وزارت داخلہ کے ڈائریکٹر پاسپورٹ میجر جنرل سلیمان الیحیٰ نے ریاض میں میڈیا کو بتایاکہ ملک میں غیرقانونی طور پر مقیم غیر ملکوں ورکروں کو کسی بھی صورت میں معاف نہیں جائے گا۔گرفتار اور اقامہ کی مدت ختم ہونے والے غیرقانونی غیرملکی ورکروں کو ہرصورت میں سعودی عرب سے نکالا جائے گا۔سعودی حکومت نے غیر قانونی تارکین وطن اور غیرقانونی طور پر کام کرنے والوں کو ملک سے نکل جانے کی تین بار مہلت دی تھی لیکن اب غیرقانونی تارکین وطن کے خلاف کارروائی جاری ہے اور گرفتار ہونے والوں کو ملک بدر کیاجارہاہے۔ خدشہ ہے کہ اس مہم میں سیکڑوں پاکستانی شہری بھی متاثر ہوں گے۔