اسلام آباد(نیوز ڈیسک) القاعدہ کے رہنما اسامہ بن لادن کی گیارہ ستمبر دو ہزار ایک سے پہلے کھنچوائی گئی نئی تصاویر منظر عام پر آگئیں۔ القاعدہ کے رکن خالد الفواض کیخلاف امریکا میں مقدمے کی سماعت کے دوران اسامہ بن لادن کی ایسی تصاویر عدالت میں پیش کی گئیں جو گیارہ ستمبر 2001 کے حملوں سے پہلے کی ہیں۔ اسامہ بن لادن کی یہ تصاویر افغانستان کے پہاڑی علاقے تورا بورا میں کھینچی گئیں۔ تصاویر میں اسامہ کا گارے سے بنا گھر بھی دکھایا گیا ہے۔ تمام تصاویر فلسطینی صحافی عبد الباری عطوان نے لی تھیں جنہیں القاعدہ نے 1996 میں تورا بورا آنے کی دعوت دی تھی۔
