اسلام آباد(نیوز ڈیسک) لندن میں برطانوی پارلیمنٹ کی چھت پر پرسرار شخص کی موجودگی کی اطلاع پرپولیس نے پارلیمنٹ کو گھیرے میں لے لیا ہے۔ برطانوی پارلیمنٹ کی چھت پر پراسرار شخص دیکھا گیا۔ پراسرار شخص چھت پر چکر لگا رہا ہے اوروقفے وقفے سے چھت سے چیخنے کی آوازیں بھی آرہی ہیں۔پولیس نے عمارت کو گھیرے میں لے لیا ہے۔فائر بریگیڈ اور ایمبولینسس بھی عمارت کے باہر موجود ہیں۔ پرسرار شخص نے سرمئی رنگ کی ٹی شرٹ پہنی ہوئی ہے۔لندن پولیس پرسرار شخص سے بات کر نے کی کوشش کر رہی ہے۔تاہم ابھی تک پرسرار شخص کے چھت پر چڑنے کی وجہ کا علم نہیں ہوسکا ہے۔ہفتے کے روز 5 ہزار کے قریب افراد نے موسمیاتی تبدیلوں کیخلاف برطانوی پارلیمنٹ کے باہر مظاہرہ بھی کےا۔