اسلام آباد(نیوز ڈیسک)امریکی صدر براک اوباما نے کہا ہے کہ اگر ایران اپنے جوہری پروگرام کے حوالے سے کوئی معاہدہ چاہتا ہے تو اسے اپنی جوہری سرگرمیوں کو کم از کم 10 سال کے عرصے کے لئے منجمد کرنا ہوگا۔برطانوی خبر رساں ایجنسی کو انٹرویو کے دوران براک اوباما نے کہا کہ اس وقت ایران کے جوہری پروگرام پر معاہدے کے لئے حالات سازگار دکھائی نہیں دے رہے جب کہ ایران کو جوہری ہتھیاروں کے حصول سے روکنے کے لئے امریکا اور اسرائیل میں واضح اختلاف پایا جاتا ہے۔ انہوں نے کہا کہ گزشتہ سال جب ایران کے جوہری پروگرام کے حوالے سے عبوری معاہدہ طے پارہا تھا تو اسرائیلی وزیر اعظم بنجمن نیتن یاہو کی جانب سے اس کی مخالفت کا اقدام غلط تھا اور ان کے اس حوالے سے تمام دعوے غلط ثابت ہوئے، اس عرصے میں ہم نے ایران کو اپنے پروگرام کو آگے بڑھاتے ہوئے نہیں دیکھا اور اس نے اپنے پروگرام میں کئی لحاظ سے تخفیف بھی کی ہے۔