اسلام آباد(نیوز ڈیسک)امریکہ کے وزیر خارجہ جان کیری یوکرین میں انسانی حقوق کی پامالی پر اقوام متحدہ کی رپورٹ جاری ہونے سے قبل جینیوا میں اپنے روسی ہم منصب سے یوکرین کے بحران پر بات چیت کریں گے۔امید کی جا رہی ہے کہ جان کیری روس کے حزب اختلاف کے رہنما کے قتل کے معاملے میں بھی شفاف تحقیقات کا مطالبہ کریں گےواضح رہے کہ یہ بات چیت اقوام متحدہ کی ایک رپورٹ جاری ہونے سے قبل ہو رہی ہے جس میں یوکرین کی فوج اور روس نواز باغیوں کے ہاتھوں انسانی حقوق کی پامالیوں کا ذکر ہے۔دریں اثنا یوکرین میں تشدد کے حالیہ واقعات کے دوران کمزور سی جنگ بندی قائم ہے۔