امریکا (مانیٹرنگ ڈیسک) امریکا میں پیدائشی طور پر دو ٹانگوں سے محروم کتے کو پہیے لگا دیے گئے جس کے بعد وہ عام کتوں کی طرح دوڑنے بھاگنے لگا۔ یہ کتا ایک جینیاتی خرابی کے باعث اپنی اگلی دو ٹانگوں سے محروم تھا۔ اس کی اگلی دو ٹانگیں پوری طرح سے نشونما نہیں پاسکیں تھی۔ ابتدا میں یہ رینگ کر چلتا تھا، تاہم جلد ہی اسے

ویٹرن ٹیکنیشن نے گود لے لیا۔ کچھ عرصے بعد کتے کے لیے خصوصی پہیے بنائے گئے، ان پہیوں کا سائز تبدیل کیا جاتا رہا۔ ابتدا میں کتے کو ان پہیوں کے ساتھ چلنے میں مشکلات کا سامنا کرنا پڑا، اسے تھوڑی سی پریکٹس کروائی گئی جس کے بعد کتا ان پہیوں کا عادی ہوگیا۔ اب ان پہیوں کے ساتھ یہ ننھا سا کتا ہر جگہ آسانی سے گھومتا پھرتا ہے۔