5 ماہ میں دو بار لاکھوں ڈالر کی لاٹری جیتنے کے بعد اسکول جانے کا خواہشمند نوجوان

  بدھ‬‮ 12 ستمبر‬‮ 2018  |  17:00

کینیڈا(مانیٹرنگ ڈیسک)کینیڈا میں رہائش پذیر ایک افریقی نوجوان صرف 5 ماہ میں دو بار لاٹری جیت کر مالا مال ہوگیا۔ افریقہ سے تعلق رکھنے والے 28 سالہ میل ہِگ میل ہِگ نے دو الگ الگ لاٹری کے ٹکٹ خریدے تھے جس میں انہوں نے مجموعی طور پر 35 لاکھ کینیڈین ڈالر جیتے تھے۔ غیر ملکی میڈیا کی رپورٹ کے مطابق میل ہِگ میل ہِگ اب کینیڈین صوبے مینی ٹوبا کے شہر ونی پیگ میں رہتے ہیں، جن کا کہنا ہے کہ وہ اس پیسے کو واپس اسکول جانے کے لیے استعمال کرنا چاہتے ہیں۔ انہوں نے پہلی بار رواں برس

اپریل میں لاٹری جیتی، جس میں انہیں 15 لاکھ کینیڈین ڈالر ملے تھے۔ جس سے انہوں نے اپنے اہل خانہ کو ایک فلیٹ سے مکان میں منتقل کیا۔ میل ہِگ کی قسمت اگست میں دوبارہ اُس وقت چمکی جب انہوں نے 20 کینیڈین ڈالر سے ٹکٹ خریدا اور 'اسکریچ انڈ وِن' لاٹری ٹکٹ سے 20 لاکھ کینیڈین ڈالر کا جیک پوٹ جیت لیا۔ میل ہِگ کا کہنا تھا کہ وہ ان پیسوں سے اپنا کاروبار شروع کرنا چاہتے ہیں، امکان ہے کہ وہ پیٹرول اسٹیشن یا کار واش اسٹیشن کھولیں گے اور پھر اس کے بعد وہ اسکول جانا چاہتے ہیں۔ ان کا مزید کہنا تھا، ’میرا بنیادی مقصد اسکول جانا ہے، میں اپنی انگریزی بہتر کرنا چاہتا ہوں اور ساتھ ہی کچھ ہنر بھی سیکھنا چاہتا ہوں جیسے کہ لکڑی کا کام وغیرہ‘۔

موضوعات:

آج کی سب سے زیادہ پڑھی جانے والی خبریں