اسلام آباد(مانیٹرنگ ڈیسک) دنیا میں کئی افراد ایسے گزرے ہیں جنہوں نے طویل عمر پائی۔ اپنی طویل العمری کا راز ان لوگوں نے شیئر بھی کیا مگر اب برطانیہ کی 106سالہ خاتون نے اپنی طویل العمری کا ایسا راز بتایا ہے کہ جان کر مرد حضرات کے منہ کھلے کے کھلے رہ جائیں گے۔ برطانوی اخبار سے بات کرتے ہوئے میڈلین ڈائی نامی اس خاتون نے بتایا ہے کہ وہ 1912میں برطانیہ کے معروف علاقے جنوبی یارک شائر کے قصبے ہیلے میں پیدا ہوئی تھی، میڈلین کا کہنا تھا کہ آج بھی اس کی صحت قابل رشک
ہے اور وہ چھڑی یا کسی اور سہارے کے بغیر چلتی پھرتی ہے۔ میڈلین نے اپنی طویل اور صحت مندانہ زندگی کا راز بتاتے ہوئے کہا کہ اس کی زندگی میں کبھی کوئی مرد نہیں آیا، شادی تو دور اس نے کبھی کسی کو بوائے فرینڈ بھی نہیں بنایا۔ میڈلین کے مطابق شادی یا مردوں کے ساتھ تعلق سے جو ذہنی پریشانی کا باعث ہوتی ہے اور اس سے دور رہنا ہی اس کی طویل عمر کا راز ہے۔ میڈلین کا کہنا تھا کہ اس نے شراب سے بھی ہمیشہ اجتناب کیا ، وہ اپنی 90ویں سالگرہ کے موقع پر شراب خانے گئی تھی۔
