اسلام آباد (مانیٹرنگ ڈیسک)سعودی عرب میں زچگی کا عجیب واقعہ، بچے کی پیدائش کے بعد ماں پیٹ میں دھماکہ ہونے سے وفات پا گئی۔ تفصیلات کے مطابق سعودی عرب کے شہر النماص میں زچگی کا ایک عجیب و غریب واقعہ پیش آیا ہے جس میں بچے کی آپریشن کے بعد پیدائش کے بعد ماں کے پیٹ میں دھماکہ ہونے کے باعث اس کی موت واقع ہو گئی ہے۔ تغرید محمد العمری نامی حاملہ خاتون کو
دردِ زہ محسوس ہونے پر ہسپتال میں داخل کیا گیا تھا۔ متوفیہ کے والد کے مطابق ن کی بیٹی امید سے تھیں۔ اس کی سہلیاں اور اقارب آنے والے مہمان کے لیے اسے تحائف بھجوا رہے تھے۔ جب ولادت کا وقت قریب آیا اور اسےدردِ زہ محسوس ہوا توہم اسے لے کر النماص کے زچہ وبچہ اسپتال پہنچے۔جبکہ دیکھ بحال کے لیے تغرید کی ماں بھی اسپتال میں موجود تھیں۔ڈاکٹروں کا کہنا تھاکہ بچے کی ولادت آپریشن کے ذریعے کرنا پڑے گی ، ڈاکٹروں نےہمیں خون کا بندوبست کرنے کو بھی کہاجس پر ہم نے خون کی کچھ بوتلوں کا انتظام کر دیا۔ بچے کی ولادت کے بعد بھی اس کی بیٹی انتہائی نگہداشت وارڈ میں داخل رہی۔ڈاکٹروں نے اس کے لیے مزید پانچ بوتل خون کا تقاضہ کیا جسے پورا کر لیا گیا۔مزید تین گھنٹے کے انتظار کے بعد ڈاکٹر ہمارے پاس آیا۔ اس کا چہرہ اور کپڑے خون میں لت پت تھے۔ اس نے پریشان کن لہجے میں واقعہ بتایا کہ تغرید کے رحم میں دھماکہ ہوا جس کے نتیجے میں اس کی موت واقع ہو گئی۔ ڈاکٹر نے اپنی حالت کی طرف اشارہ کرتے ہوئے کہا کہ یہ خون اس دھماکے کا نتیجہ ہے۔لڑکی کے والد نے بتایا کہ تغرید کی موت گردے کے ناکارہ ہونے کا نتیجہ ہو سکتی ہے۔ وہ اسے ایک دوسرے اسپتال میں لے جانے کی تیاری کر رہے تھے جب کہ النماص کے اسپتال کے ڈاکٹروں کا اصرار تھا کہ وہ مزید انتظار کریں۔ اپنی نوعیت کے اس انوکھے واقعہ پر حکام بھی حرکت میں آگئے ہیں اور عسیر کے ڈائریکٹر جنرل ہیلتھ ڈاکٹر یحییٰ بن محمد آل شویل نے واقعے کی فوری تحقیقات کا حکم دیتے ہوئے متعلقہ حکام کو فوری رپورٹ پیش کرنے کی ہدایت کی ہے۔
