پشاور  (مانیٹرنگ ڈیسک) پاکستان کی تاریخ میں پہلی بار صوبے میں خواجہ سراؤں کے لیے ڈرائیونگ لائسنس جاری کیے جارہے ہیں۔خیبر پختونخواہ کے سینئر سپرنٹنڈنٹ ٹریفک پولیس یاسر آفریدی نے کہا ہے کہ پہلے مرحلے میں 30 خواجہ سراؤں کو ڈرائیونگ لائسنس جاری کئے گئے ہیں، جلد صوبے کے تمام خواجہ سراوں کو لائسنس جاری کر دیے جائیں گے۔ میڈیاسے گفتگو کے دوران ان کا کہنا تھا۔

کہ خواجہ سراوں کے لیے ڈرائیونگ لائسنس وقت کی اشد ضرورت ہے، خیبر پختونخواہ پولیس نے اہم فیصلہ لیتے ہوئے صوبے میں خواجہ سراؤں کے لیے ڈرائیونگ لائسنس کے اجراءکا سلسلہ شروع کیا ہے۔ خیال رہے خیبر پختونخواہ حکومت کی جانب سے خواجہ سراوں کو بنیادی سہولیات فراہم کرنے کے لیے مسلسل اقدامات کئے جاہے ہیں جن میں شناختی کارڈ کی فراہمی، پاسپورٹ اور صحت و انصاف کارڈ شامل ہیں۔

موضوعات:پاکستان،خواجہ سرا،ڈرائیورنگ لائسنس