اسلام آباد(مانیٹرنگ ڈیسک)دنیا میں ایسے کئی خاندان آباد ہیں جو اپنی کسی نا کسی خصوصیت کی وجہ سے پہچان رکھتے ہیں مگربھارتی ریاست بہار کے شہر پٹنہ میں ایک خاندان ایسا بھی ہے جو فروری میں موت کی وجہ سے پہچانا جاتا ہے۔ اس خاندان کیلئے ماہ فروری جان لیوا ثابت ہوتا ہے ، 2015سے مسلسل اس بدقسمت خاندان کا کوئی نہ کوئی فرد 2فروری کو موت کے منہ میں چلا جاتا ہے ۔ مقامی افراد حیرت زدہ ہیں کہ مسلسل چار سالوں سے مذکورہ خاندان کا کوئی نہ کوئی فرد حادثاتی طور
پر ہرسال کی ایک ہی تاریخ کو موت کی وادی میں چلا جاتا ہے۔خاندان کے فرد روکھن رام کا کہنا ہے کہ 2015 میں 2 فروری کو ان کے خاندان کا ایک شخص ٹریفک حادثے میں ہلاک ہوا جس کے بعد یہ سلسلہ چل نکال اور 2016میں ان کے خاندان کا 30سالہ بچن رام زندگی کی بازی ہار گیا۔ 2017میں اس خاندان میں ایک اور موت واقع ہوئی اور 35سالہ فیکن رام چل بسا جبکہ اس سال یعنی 2018فروری کے مہینے میں روکھن رام کا والد جس کی عمر 60سال تھی دنیا سے گزر گیا ہے۔
