لکھنو(آئی این پی) بھارت میں دولہا کے گٹکا چبانے پر دلہن نے شادی سے انکار کر دیا۔ بھارتی میڈیا کے مطابق واقعہ ریاست اتر پردیش کے ضلع بالیہ میں پیش آیا جہاں دلہن نے شادی سے اس وقت انکار کر دیا جب منڈپ میں قدم رکھتے ہی اس کی نظرگٹکا چباتے دولہا پر پڑی ۔ دونوں خاندان رات بھر دلہن کو سمجھاتے اور دباو ڈالتے رہے ،
حتی کہ پولیس کو بھی شکایت کی گئی لیکن ناکامی ہوئی، لڑکی بضد رہی کہ گٹکے کے عادی سے شادی نہیں کروں گی ۔تمام تر کوششیں ناکام ہونے کے بعد آخر کار دولہے کو بغیر دلہن کے ہی واپس جانا پڑا۔ اور گٹکا اس کی خوشیوں کی راہ میں رکاوٹ بن گیا۔
