اسلام آباد (مانیٹرنگ ڈیسک) علم نجوم کا سلسلہ آج سے نہیں کئی ہزار سال پہلے سے جاری ہے اور یہ بھی سچ ہے کہ اس علم میں کامل لوگ اکا دکا ہی ہونگے ۔ ان ہی چند ایک میں سے ایک فرانسیسی ماہر علم نجوم نوسٹراڈیمس تھے جو
1503ءمیں پیدا ہوئے اور 1566ءمیں ان کا انتقال ہوا۔
اپنی زندگی میں انہوں نے آنے والے کل کے بارے میں سینکڑوں پیش گوئیاں کیں ۔اگرچہ ان میں سے بعض غلط نکلیں لیکن اکثر حیران کن حد تک درست ثابت ہوئیں۔انہوں نے 2017ءکے متعلق بھی کئی پیش گوئیاں کر رکھی ہیں جو انتہائی خطرناک ہیں اور اگر وہ پوری ہو گئیں تو دنیا تباہی کے دہانے پر پہنچ جائے گی۔معروف برطانوی اخبار کی رپورٹ کے مطابق نوسٹراڈیمس سوسائٹی آف امریکہ کا کہنا ہے کہ ”نوسٹراڈیمس نے پیش گوئی کر رکھی ہے کہ 2017ءمیں چین چندعیسائی ممالک کو تباہ کرنے کے لیے کچھ مسلمان ممالک کے ساتھ اتحاد بنائے گا۔ اس سال یورپی یونین ٹوٹ جائے گی، جس کے باعث اٹلی کو شدید مالی بحران کا سامنا کرنا پڑے گا۔شمالی اور جنوبی کوریا دوبارہ متحد ہو کر ایک ملک بن جائیں گے، چین دنیا بھر میں بڑے اقدامات اٹھائے گا۔“ نوسٹراڈیمس کی 2017ءکے حوالے سے سب سے خطرناک پیش گوئی یہ ہے کہ ”اس سال تیسری عالمی جنگ شروع ہو گی۔“ نوسٹراڈیمس سوسائٹی آف امریکہ کی طرف سے ان پیش گوئیوں پر مبنی ویڈیو انٹرنیٹ پر پوسٹ کیے جانے سے بہت سوں کو خوف میں مبتلا کر دیا ہے۔ اب تک یہ ویڈیو 14لاکھ سے زائد لوگ دیکھ چکے ہیںتاہم ہم یہ بھی کہتے چلیں کہ مسلمان ہونے کی حیثیت سے کب کیا ہوگا اس کا علم صرف اللہ رب العزت کی ذات کو ہی ہے ، اس بات پر پختہ یقین رکھتے ہیں ۔