اسلام آباد (نیوزڈیسک ) ہیروں کی شناخت جہاں ایک فن ہے وہیں ہیروں کی تلاش بھی ایک بہت مشکل کام ہے لیکن مغربی افریقا میں پایا جانے والا ایک نایاب پودا ہیروں کے متلاشی افراد کا بہترین معاون ثابت ہوسکتا ہے کیونکہ ماہرین کے نزدیک یہ پودا جس جگہ ا±گتا ہے وہاں ممکنہ طور پر ہیرے موجود ہوسکتے ہیں۔ماہرین کے مطابق اس پودے کا نام ”پینڈانس کینڈلبرم“ ہے جو کمبرلائٹ سے بھرپور مٹی میں ا±گتا ہے اور اس معدن والی چٹانوں میں ہیروں کے ملنے کے بہت زیادہ امکانات ہوسکتے ہیں یہ پودا زیادہ تر لائبیریا میں پایا جاتا ہے۔ ماہرین کا کہنا ہے کہ اس سے قبل کئی ایسے درختوں اور پودوں پر تحقیق کی گئی جو زمین کے اندر مختلف دھاتوں اور معدنیات کی نشاندہی کرسکتے ہیں مثلاً کچھ پودے تانبے کا پتا بھی دیتے ہیں لیکن حیرت انگیز طور پر ہیرے کی شناخت میں مدد دینے والا یہ پہلا پودا ہے۔ماہرین کے مطابق ہیرے زمین کے اندر سیکڑوں کلومیٹر گہرائی میں بنتے ہیں اور انہیں قدرتی طور پر تنگ راستوں سے باہر لایا جاتا ہے جنہیں کمبرلائٹ پائپس کہا جاتا ہے تاہم ان میں سے صرف 10 فیصد پائپوں میں ہی ہیرے موجود ہوسکتے ہیں جب کہ یہ پودے انہی راستوں پر ا±گتے ہیں جنہیں پہلی مرتبہ فلوریڈا انٹرنیشنل یونیورسٹی کے ڈاکٹر اسٹیفن ہیگرٹی نے دریافت کیا تھا۔

موضوعات:پودا پیسہ