نیویارک(نیوزڈیسک)نیویارک شہر میں چوہوں کی تعداد بیس لاکھ سے بھی زیادہ ہوگئی ہے اور لگتا ہے کہ انہوں نے شہر پر قبضہ کرلیا ہے۔ ایک زمانہ تھا کہ چوہے بلیوں کی من پسند غذا ہوکرتے تھے لیکن اب ایسا نہیں رہا، اب تو بلیاں چوہوں سے ڈرتی دکھائی دیتی ہیں. لیکن یہ بات بھی اب پرانی ہوگئی ہےکیونکہ چوہوں نے سپر پاور کے اہم ترین شہر نیویارک میں قبضہ کرلیا ہے۔یہ چوہے اتنے بے خوف ہیں کہ اپر سائیڈ مین ہٹن میں بھی چوہوں کی اتنی بڑی تعداد ہے کہ لوگوں نے پارک جانا چھوڑدیا ہے۔میئر آفس نیویارک کو ا س سال چوہوں سے نمٹنے کے لیے 24 ہزار سے زائد کالیں موصول ہوچکی ہیں۔ایک سروے سےپتہ چلا کہ صرف نیویارک میں چوہوں کی آبادی بیس لاکھ قریب پہنچ چکی ہے،شہریوں نے چوہوں کی دلیر ی اور بڑھتی تعداد کو محکمہ صحت اور محکمہ ٹرانسپورٹ کی نااہلی قراردیا ہے،جو سب وے کی سرنگوں کی باقاعدہ صفائی کرنے میں ناکام ہے۔