نیویارک(نیوز ڈیسک)دنیا بھر کے نت نئے ، انوکھے اور عجیب و غریب ریکارڈ رکھنے والا، گنیز ورلڈ ریکارڈ ساٹھ سال کا ہوگیا۔دنیا کے عجائبات ، دنیا کے سامنے لانے والے گنیز ورلڈ ریکارڈ نے ساٹھ سال پورے کرلیے، ماضی پہ نظر ڈالیں تو نظر آتے ہیں آنکھوں کو حیران اور عقل کو دنگ کردینے والے ریکارڈز۔ حیرت انگیز طور پر بڑی جسامت والا کتا ہو ، یا خونخوار حد تک لمبے ناخنوں والی خاتون ، یا پھر دنیا کو حیران کردینے کے خواہشمند سرپھرے نوجوان۔ گنیز ورلڈ ریکارڈ کے ذریعے جس نے بھی یہ عجوبے دیکھے ، اس کو جھرجھری ضرور آگئی۔کچھ منچلوں نے رنگ برنگے اور ایسے دلچسپ ریکارڈز قائم کیے کہ دیکھنے والوں کو بھی ایڈونچر feel کرادیا۔گنیز ورلڈ ریکارڈ کے لیے ہر سال ایک سو چوہتر ممالک سے پچاس ہزار اینٹریز موصول ہوتی ہیں ، جس میں سے چھ ہزار approve کی جاتی ہیں۔