ریاض (نیوز ڈیسک) سعودی عرب میں ایک خاتون کو اپنے خاوند کی بجائے اپنے اونٹ سے محبت مہنگی پڑگئی کیونکہ دکھی خاوند نے اسے طلاق دیدی ہے۔
مقامی اخبار ’’صدا‘‘ کے مطابق خاتون کو ان کے والد نے ایک خوبصورت اونٹ جہیز میں دیا تھا جس سے خاتون کو بہت محبت تھی۔ چند دن قبل جب میاں بیوی جانوروں کے باڑے میں چہل قدمی کررہے تھے تو خاتون نے اونٹ کے لئے اپنی بے پناہ پسندیدگی کا اظہار کیا جس پر خاوند نے پوچھا کہ کیا وہ اس کی نسبت اونٹ سے زیادہ محبت کرتی ہیں۔
خاتون نے ازراہ تفنن کہہ دیا کہ وہ خاوند سے زیادہ اونٹ سے محبت کرتی ہیں۔ گھر واپس آنے پر رنجیدہ خاطر شوہر نے دوبارہ وہی سوال کیا اور جب دوبارہ وہی جواب ملا تو بیوی کو گاڑی میں بٹھایا اور واپس اونٹ کے پاس لیجاکر اتار دیا اور کہا کہ وہ اسے طلاق دیتا ہے تاکہ وہ جس سے محبت کرتی ہے اس کے ساتھ زندگی گزار سکے۔