نیویارک(نیوز ڈیسک)کچھ لو گوں کو سرخ گلاب پسند ہو تے ہیں تو کچھ کو گلا بی اسی طرح سفید اور پیلے رنگت کے گلابوں کی بھی کافی ڈیمانڈ ہو تی ہے لیکن اگر یہ سارے رنگ ایک ہی گلاب کے پھول میں مل جائیں توپھر کیا ہی بات ہے۔ جی ہاں انسان کی اس خواہش کو پورا کرتے ہوئے ذہین دماغوں نے قوس وقزح کے سارے رنگ سمیٹے گلاب پیش کر دئیے ہیں۔یہ گلاب نقلی نہیں بلکہ اصلی ہیں جنھیں Rainbow Rosesکا نام دیا گیا ہے۔عام رنگوں کے حامل گلاب کو قوس وقزح کے گلاب میں تبدیل کر نے کیلئے اس کی ٹہنی کو نیچے سے کاٹ کر مختلف رنگوں کے فوڈ کلرز کو پانی میں گھول کے اس محلول کے اندر کھڑا کر دیا جاتا ہے اور جب یہ رنگین پانی شاخ سے رس کر اوپر پھول کی پتیوں میں پہنچتا ہے تو منٹوں میں دیدہ زیب رنگین گلاب کا روپ دھار لیتاہے۔ ایک خاص لیکن آسان سا ئنسی عمل کے بعد قوس و قزح کے رنگ سمیٹنے والا Rainbowگلا ب ناصرف دیکھنے میں منفرد اور خاص لگتا ہے بلکہ اس گلاب کے پھول کی ایک ٹہنی کی قیمت ایک درجن عام سرخ گلابوں کے برابر ہے۔