نیویارک(نیوز ڈیسک) کہتے ہیں کہ بچے من کے سچے اور دھن کے پکے ہوتے ہیں اور یہ اگر کسی کام کو کرنے کی ٹھان لیں تو اسے مکمل کرکے ہی دم لیتے ہیں، چاہے راستے میں کتنی ہی سختیاں کیوں نہ جھیلنی پڑیں۔ اب ذرا اس ننھے میاں کو ہی دیکھ لیجئے جس کی والدہ نے اسے سوئمنگ پول میں چھوڑا تو رونے دھونے کے بجائے اس نے تیراکی کی شاندار صلاحیتوں کا مظاہرہ کیا اور پانی پر کسی ماہر تیراک کی طرح تیرنے لگا۔ نڈر ننھے میاں کی شاندار صلاحیت پر مبنی یہ ویڈیو انٹرنیٹ پر ہزاروں افراد کی توجہ کا مرکز بنی ہوئی ہے۔۔