اسلام آباد( این این آئی)موسم سرما میں متعدی بیماریوں کے پھیلائو کا خدشہ، قومی ادارہ صحت نے تین اہم ہنگامی ایڈوائزریز جاری کردیں۔
قومی ادارہ صحت کے مطابق درجہ حرارت میں کمی اور اسموگ کے باعث موسمی فلو کے خطرات بڑھ گئے ہیں،خسرہ،خناق،کالی کھانسی اور تشنج جیسی بیماریوں کے پھیلائو کا بھی خدشہ ہے۔ایڈوائزری میں خبردار کیا گیا ہے کہ موسم سرما کے دوران سانس اور دل کے امراض کے خطرات میں بھی اضافہ ہوجاتا ہے۔قومی ادارہ صحت نے وفاقی اور صوبائی محکمہ صحت، اسپتالوں اور لیبارٹریز کو ہدایت کی ہے کہ بیماریوں کی روک تھام، نگرانی اور بروقت تشخیص کے لیے اقدامات ترجیحی بنیادوں پر کیے جائیں۔



















































