اسلام آباد (این این آئی)پارلیمانی سیکرٹری صحت نوشین حامد نے کہا ہے کہ کورونا وائرس کی ویکسین عوام کو مفت فراہم کی جائے گی۔ ایک انٹرویومیں پارلیمانی سیکریٹری صحت نوشین حامد نے کہا کہ کورونا ویکسین کے لیے حکومت فنڈ اکٹھے کر رہی ہے۔انہوں نے بتایا کہ 2021ء کی دوسری سہ ماہی میں کورونا وائرس کی یہ ویکسین لگانا شروع کر دیں گے۔

پارلیمانی سیکریٹری صحت نے کہا کہ وباء کے شروع میں ایک لیبارٹری تھی، اب 150 سے زائد لیبارٹریز ہیں۔نوشین حامد نے کہاکہ بیڈز اور وینٹی لیٹرز کی تعداد بڑھائی گئی تھی، وینٹی لیٹرز سے زیادہ ضرورت آکسیجن بیڈ کی ہے۔پارلیمانی سیکریٹری صحت نے بتایا کہ ملک بھر میں 2 ہزار 500 آکسیجن بیڈز کا اضافہ کیا ہے۔