کرونا سے چین میں مزید 71 ہلاکتیں، مرنے والوں کی تعداد 2 ہزار کرونا عالمی وبا بن سکتا ہے؟عالمی ادارہ صحت نے پوری دنیا کو خبر دار کردیا

  منگل‬‮ 25 فروری‬‮ 2020  |  17:13

بیجنگ(آن لائن )کرونا بے قابو، چین میں مزید 71 افراد جان سے گئے، مرنے والوں کی تعداد 2 ہزار 663 ہو گئی، بارہ ہلاکتوں کے بعد ایران میں بھی خوف کے سائے برقرار ہیں، عالمی ادارہ صحت نے خبردار کیا ہے کہ کرونا عالمی وبا بن سکتا ہے جس کے لیے دنیا کو تیار رہنا چاہیے۔ دنیا بھرمیں کرونا کی بڑھتی وبا، چین میں مزید 71 افراد ہلاک ہو گئے۔ مرنے والوں کی تعداد 2 ہزار چھ سو تریسٹھ ہو گئی۔ نیشنل ہیلتھ کمیشن کے مطابق پانچ سو آٹھ نئے مریض سامنے آئے ہیں۔ ہبئی صوبے میں لاکھوں افراد لاک ڈاؤن


ہیںادھر دنیا کے تیس ممالک کرونا کی زد میں آ چکے ہیں۔ جنوبی کوریا کے مزید 60 شہریوں میں کرونا کی تصدیق ہوئی ہے جس کے بعد متاثرین کی تعداد 893 ہو گئی، جنوبی کوریا میں کرونا سے آٹھ افراد ہلاک ہو چکے ہیں۔جاپان میں کرونا سے ہلاک افراد کی تعداد چار ہو گئی۔ اٹلی میں کرونا سے سات افراد ہلاک ہوچکے ہیں۔ کویت، اومان، بحرین، عراق، افغانستان میں کرونا کے مریض سامنے آ گئے۔عالمی ادارہ صحت نے خبر دارکیا ہے کہ کرونا وائرس ایک عالمی وبا کی شکل اختیار کر سکتی ہے جس کے لیے دنیا کو تیار رہنا چاہیے۔


موضوعات: