اسلام آباد(مانیٹرنگ ڈیسک)کون سا ایسا شخص یا خاتون ہو گی جو یہ چاہیں گے کہ ان کا پیٹ بڑھا ہوا ہو اور وہ خوبصورت کی بجائے انتہائی بے ڈھنگے نظر آئیں۔ بڑھا ہوا پیٹ اچھی بھلی شخصیت کو عجیب بنا دیتا ہے، ہر کوئی چاہے گا کہ بڑھے ہوئے پیٹ سے چھٹکارا حاصل کیا جائے۔

ایک رپورٹ کے مطابق اب آپ بغیر کسی دوائی یا ورزش کے بڑھے ہوئے پیٹ سے چھٹکارا حاصل کر سکتے ہیں، آپ یہ نسخہ گھر میں بنا سکتے ہیں اور اس کے لیے اتنی زیادہ محنت بھی درکار نہیں ہے، تمام گھروں میں ادرک موجود ہوتی ہے، ادرک جسم کے اندر موجود فالتو چربی کو کم کرنے میں مدد دیتی ہے۔ ادرک کے ذریعے آپ پیٹ، رانوں، کوہلوں اور کمر کے اطراف بڑھے ہوئے گوشت کے لوتھڑوں کو کم کر سکتے ہیں۔ ادرک کا مشروب بنانے کے لیے انتہائی آسان طریقہ ہے۔ آپ ایک ادرک لے کر اس کے کچھ پتلے پتلے کتلے کاٹ لیں، اس کے بعد ان ٹکڑوں کو ڈیڑھ لیٹر پانی میں ڈال دیں، آپ اس میں پودینے کے دو چار پتے یا لیموں کے چند قطرے بھی ڈال سکتے ہیں، اس کے بعد پانی کو ابالیں اور اس میں ادرک کے سلائیس کا اضافہ کر دیں۔ اس کو پندرہ سے بیس منٹ تک چولہے پر ابالتے ہوئے برابر چمچ چلاتے رہیں، پندرہ بیس منٹ بعد چولہے سے اتار کر اسے ٹھنڈا کر لیں، اب آپ اس مشروب کو ہر صبح روزانہ ناشتے سے قبل اور رات کو کھانے سے قبل ایک گلاس پینے کی عادت ڈال لیں۔ کچھ دنوں میں ہی آپ بڑھے ہوئے پیٹ میں کمی محسوس کریں گے، واضح رہے کہ ادرک میں میگنیشم اور زنک جیسے اجزا موجود ہوتے ہیں جو دوران خون کو بہتر بناتے ہیں۔ اس کے علاوہ ادرک بخار میں کمی لانے اور زیادہ پسینے آنے کے مسائل سے بھی نجات دلانے میں مدد دیتی ہے، ادرک ملا پانی انتہائی مفید ثابت ہو سکتا ہے۔

موضوعات:ادرک ملا پانی