اسلام آباد(مانیٹرنگ ڈیسک) ناشتہ کرنے کو ہماری صحت کے لیے سب سے ضروری کہا گیا ہے، جبکہ دوپہر اور رات کے دوران ہلکا اور کم کھانے کو مثبت قرار دیا جاتا ہے۔ کہا جاتا ہے کہ میٹابولک ریٹ صبح کے وقت سب سے زیادہ ہوتا ہے، جبکہ دیر رات کچھ کھایا جائے تو اس سے وزن میں اضافہ ہوتا ہے۔دیر رات سے کچھ بھی کھانا وزن میں اضافے کے ساتھ ساتھ کئی اور صحت سے متعلق مسائل میں اضافہ کرتا ہے۔ اور اگر آپ رات دیر کچھ کھانے کے عادی ہیں تو اپنی اس عادت کو جلد ختم کردیں۔
اس کی وجہ یہ ہے کہ انسانی جسم میں نظام ہاضمہ دن کے وقت زیادہ تیزی سے کام کرتا ہے، لیکن اگر دیر رات کوئی غذاء کھائی جائے تو وہ پورے دن کھائی جانے والی غذاؤ کے برابر ہی ہوجاتی ہے جس کی وجہ سے وزن میں اضافہ ہوتا ہے۔ رات گئے کھانا فالج کا خطرہ بڑھائے رات کے کھانے میں اتنی ہی کیلوریز لینی چاہیے جتنے کی باڈی کو ضرورت ہو، لیکن دیر رات کھانے کے عادی افراد ضرورت سے زیادہ کیلوریز کھالیتے ہیں۔ مطالعہ میں سامنے آیا کے رات کھانے کے بعد سونے میں کم از کم تین گھنٹوں کا وقفہ ہونا چاہیے۔
