نیویارک(سی ایم لنکس) راتوں کو دیر تک جاگنا اور وقت پر نہ سونا آپ کو مشکل میں ڈال سکتا ہے ، ایک بھی دن اگر آپ بھرپور نیند نہیں لیتے ہیں تو آپ کو ’ الزائمر ‘ کی بیماری ہو سکتی ہے۔ محققین کا کہنا ہے کہ ایک دن اگر پوری نیند نہ لینے سے دماغ میں ایک پروٹین بن جاتا ہے جو اس بیماری کی وجہ بنتا ہے۔ محققین نے 20لوگوں پر مشتمل ایک تحقیق کی اور پایا کہ ایک دن بھر پور نیند نہ لینے سے اس کے دماغ میں ’ بیٹا ایم لائڈ پروٹین‘ کی مقدار 5گنا

بڑھ گئی۔ جن لوگوں کو بھولنے کی بیماری ہوتی ہے ان لوگوں میں یہ پروٹی 21فیصد بڑھا ہوتا ہے۔ وہیں جو لوگ ’ الزائمر‘ کے شکار ہوتے ہیں ان لوگوں میں یہ 43فیصد بڑھا ہوتا ہے۔محققین کا کہنا ہے کہ بھرپور نیند لینا ’ بیٹا ایم لائڈ پروٹین‘ کو ختم کرنے میں بہت اہم کردار ادا کرتا ہے۔یہ پروٹین دماغ میں یاد داشت کے راستے کو بلاک کر دیتا ہے۔ محققین نے کم نیند لینے والے 22سے 72سا ل کے 20افراد پر 2دن تک تحقیق کی۔ جس میں پہلے دن انہیں رات 10بجے سے صبح 7بجے تک سونے کو کہا گیا وہیں دوسرے دن انہیں پوری رات جاگنے کو کہا گیا۔جس کے بعد یہ نتیجہ سامنے آیا کہ دوسرے دن نہیں سونے کی وجہ سے ان میں ’ بیٹا ایم لائڈ پروٹین ‘ کی مقدار 5گنا زیادہ تھی۔ فی الحال اس کا کوئی علاج نہیں ہے ، لیکن علامتوں کا علاج اور اچھی دیکھ بھال ، مدد وغیرہ سے الزائمر کے مریضوں کی زندگی بہتر بنائی جا سکتی ہے۔