اسلام آباد(مانیٹرنگ ڈیسک)پاکستان میں جہاں ملاوٹ اور مضر صحت اشیا کی وجہ سے صحت کے مسائل جنم لے رہے ہیں وہیں ناکافی صحت کی سہولیات کے باعث اموات میں بھی اضافہ ہو رہا ہے۔ ان میں سے کئی

چیزیں ایسی ہیں جسے ہر دوسرا پاکستانی مرد، خاتون، بچہ اور بوڑھا شوق سے کھاتا ہے ۔ ان اشیا کے مضر اثرات سے بچنے کیلئے ضروری ہے کہ ان سے اجتناب کیا جائے ۔ ماہرین صحت اور خوراک نے انہی اشیا میں سے آلو کے چپس کو کینسر جیسی بیماری کی وجہ قرار دے دیا ہے۔ اکثر لوگوں کو معلوم ہوگی کہ آلو کے چپس میں چکنائی (فیٹ) اور کیلوریز پائی جاتی ہیں لیکن یہ بہت کم لوگ جانتے ہیں کہ پیکٹ والے چپس جان لیوا مرض کینسر کا سبب بھی بن سکتے ہیں کیونکہ ان میں کینسر کی وجہ بننے والے ایک خطرناک مادّے ’ایکریلومائیڈم‘ کی بڑی مقدار پائی جاتی ہے۔ ایکریلومائیڈم کی کچھ مقدار سگریٹ میں بھی پائی جاتی ہے جس سے کینسر میں مبتلا ہونے کے خدشات خطرناک حد تک بڑھ جاتے ہیں جب کہ فرنچ فرائیز میں بھی ایکریلومائیڈم پائے جانے کا شبہ ہے تاہم اس پر تحقیق ابھی جاری ہے۔ ماہرین کا کہنا ہے کہ جتنا ممکن ہوسکے کہ پیکٹ والے آلو کے چپس سے اجتناب کرتے ہوئے انہیں پسندیدہ غذاؤں کی فہرست سے نکال دیا جائے۔

موضوعات:آلو کے چپس