اسلام آباد(مانیٹرنگ ڈیسک)ہر کسی کی خواہش ہوتی ہے کہ اسکی عمر لمبی اور صحت مند ہو لیکن یہ بات آج کل کے دور میں ایک خواب سے کم نہیں ۔جس کی بڑی وجہ ہماری بے تحاشہ مصروفیات اور صحت کا خیال نہ کرنا ہے۔آپ نے اکثر ایسے لوگ دیکھے ہونگے جو 80یا90سال کی عمر میں بھی جسمانی طور پر مضبوط اور ہر کام کرتے نظر آتے ہیں۔

آج کل آپ ایسے لوگ بھی دیکھیں گے جو 40یا 50سال کی عمر میں ہل جل بھی نہیں سکتے ۔ہماری چند عادات ایسی ہے جو ہمیں تیزی سے بڑھاپے کی طرف لے جاتی ہے۔ان عادات کو ترک کرنے کی وجہ سے جلد بڑھاپے کا شکار ہونے سے بچ سکتے ہیں۔
ناقص غذا ہمارے بڑھاپے کاسب بن سکتی ہے ۔ میٹھی اور چربی والی غذائیں ہمارے بڑھاپے کی طرف جاری سفر کو مزید تیز کر دیتی ہے ۔اس سفر کو مناسب رفتار پر رکھنے کیلئے ہمیں کیلوریز اور زیادہ غذائیت والی خوراک پھل سبزیاں استعمال کرنی چاہئے۔بڑھاپے کی ایک وجہ نیند کی کمی بھی ہے ۔نیند صحت مند اور خوشحال زندگی کا اہم جز ہے ۔نیند دماغ کو اپنا کام درست کرنے میں مدد دیتی ہے۔نیند کی کمی کی وجہ سے جسمانی وزن بڑھ جاتا ہے جو دیگر مسائل کا باعث بنتا ہے۔سگریٹ منشیات کی عادت آپ کے جسم کو تیزی سے تبا ہ کر دیتی ہے۔سگریٹ نوشی آپ کے ڈی این اے کو متاثر کرتی ہے اور جلد موت کا خدشہ بڑھ جاتا ہے۔

موضوعات:بوڑھے