اسلام آباد(نیوز ڈیسک ) شادی اور دیگر خوشی کے مواقع پر زور دار دھماکوں سے آتش بازی کے گولے چھوڑے جاتے ہیں جس سے آسمان پر ہر طرف رنگ برنگی روشنی پھییل جاتی ہے لیکن اب ماہرین نے خبردار کیا ہے کہ آتش بازی کے گولوں کی آواز سے لوگ سماعت سے محروم ہوسکتے ہیں اس لیے آتش بازی سے دور رہیں۔برطانوی ماہرین کا کہنا ہے کہ لوگ قوانین کی خلاف ورزی کرتے ہوئے آتش بازی کے لیے 155 ڈیسی بلز کی طاقت کے گولے استعمال کرتے ہیں جب کہ اس کی حد 120 ڈیسی بلز ہے لہٰذا ان گولوں کی آواز اس قدر زور دار طریقے سے کانوں سے ٹکراتی ہے کہ جس سے قریب کھڑا کوئی بھی شخص بہرہ ہوسکتا ہے۔
ماہرین کا کہنا ہے کہ 80 ڈیسی بلزوالے گولوں سے بصارت کو نقصان پہنچنے کا اندیشہ شروع ہوجاتا ہے۔ سینئر آڈیولوجسٹ لوئیس ہارٹ کا کہنا ہے کہ 80 ڈیس بلز سے زائد آواز والے آتش بازی کے گولے قریبی عمارتوں کے باعث کم یا زیادہ گونج پیدا کرسکتے ہیں جوسماعت کےلیے نقصان دہ ہے۔ ایری کونکو کی تحقیق کے مطابق 100 ڈیسی بلز کے گولوں کی ا?واز گن فائر کے برابر ہے اس لیے اس سے سماعت بری طرح متاثر ہوتی ہے۔