لندن(مانیٹرنگ ڈیسک) دانتوں کا درد ایک ایسا مسئلہ ہے جو انسان کا سکون چھین لیتا ہے ۔ دانت کے درد کی وجہ سے انسان کو اچھے کھانے اور مشروبات سے محرومی کا سامنا کرنا پڑ جاتا ہے اور دانت درد کی شکایت رکھنے والے افراد کی راتوںکی نیند بھی غارت ہو جاتی ہے کل ملا کر ایسے افراد کی زندگی بے سکونی سے عبارت ہو جاتی ہے۔ مگر اب ماہرین نے ایسا سادہ سا نسخہ تیار کر لیا ہے جو آپ گھر میں آسانی سے تیار کر سکتے ہیںاور جس کے نتیجے میں صرف تین روز کے اندر ہی آپ کے دانتوں سے درد کی شکایت ختم ہو جائے گی ۔
ماہرین کے مطابق لونگ کا پائوڈر اور ناریل تیل کو اگر آپس میں ملا کر پھر پانی میں ڈال کر اس کا ایک پیسٹ نما مرکب بنا لیا جائے اور پھر اس مرکب کو درد والے دانت پر لگایا جائے تو دانت درد کی شکایت فوری طور پر زائل ہو جائے گی۔ ماہرین کے مطابق اس کا استعمال تین دن تک کیا جا سکتا ہےجس کے بعد ڈاکٹر سے رابطہ کرنے میں بھی کوئی حرج نہیں ہے مگر آپ دانت درد سے ایک بار مکمل نجات پا جائیں گے ۔

موضوعات:دانت درد