اسلام آباد (مانیٹرنگ ڈیسک)انسانی زندگی جن چند چیزوں پر محیط کرتی ہے ان میں سے ایک پانی ہے جس کے بغیر کاروان حیات چل سکے ۔۔ ایسا سوچا بھی نہیں جا سکتا ۔گو کہ ماہرین طب صاف شفاف پانی کو انسانی صحت کیلئے قدرت کا گراں قدر تحفہ گردانتے ہیں تاہم نئی تحقیق کیمطابق پا نی اگر انتہائی خالص ہو تو اس کا پینا صحت کے لیے تباہ کن ثابت ہوسکتا ہے۔یہ انتہائی خالص یا الٹرا پیور واٹر اتنا خالص ہوتا ہے کہ یہ جسم میں موجود منرلز کو ختم کرنے باعث بن سکتا ہے۔
یہ پانی بالکل ایسا ہی پانی نظر آتا ہے جو نلکوں سے آپ کے گھروں میں آتا ہے۔اس طرح کا پانی مختلف الیکٹرونکس مصنوعات جیسے سیمی کنڈکٹرز کی صفائی کے لیے استعمال کیا جاتا ہے ، یہ کنڈکٹر چپس بہت چھوٹی ہوتی ہیں یعنی مٹی کے ذرے جتنی۔خالص پانی کو چپ کی تہوں کو دھونے کے لیے استعمال کیا جاتا ہے۔اس پانی کو اتنا زیادہ فلٹر کیا جاتا ہے کہ اس کے اندر منرلز ختم ہوجاتے ہیں یعنی صرف ہائیڈروجن اور آکسیجن کا مرکب رہ جاتا ہے۔یہی وجہ ہے کہ جب یہ کسی دھاتی یا منرلز والی چیز سے گزرتا ہے تو انہیں اپنے اندر جذب کرلیتا ہے۔آسان الفاظ میں یہ پانی خود منرلز کا پیاسا ہوتا ہے اور اسی لیے یہ الیکٹرونکس کی صفائی کے لیے بہترین مانا جاتا ہے۔اگر کوئی انسان اس پانی کی کچھ مقدار کو پی لے تو وہ جسم کے اندر موجود اہم منرلز کو اپنے اندر جذب کرسکتا ہے۔جہاں تک اس کے ذائقے کی بات ہے تو یہ انتہائی بدمزہ ہوتا ہے کیونکہ منرلز ہی پانی کو ذائقہ دیتے ہیں۔

موضوعات:پانی