اسلام آباد(نیوزڈیسک) پھول پھول پھرنا ، ایک درخت سے دوسرے درخت تک تھکا دینے والا سفر ، سردی گرمی، دھوپ چھاؤں ہر وقت پھولوں کا رس چوس کر اس رس سے بھی میٹھا شہد بنانے والی شہد کی مکھیاں اللہ تعالیٰ کی قدرت کا حسین اور لازوال ثبوت ہیں اور ان کا بنایا ہوا شہد بہت سی بیماریوں کاشافی علاج۔
قارئین یا د رکھیں کہ کسی بھی چیز کا غلط استعمال صحت کو فائدہ پہنچانے کی بجائے الٹا نقصان پہنچاتا ہے ۔شہد کو بھی استعمال کرنے کا طریقہ ہے ۔ویسے تو مختلف امراض میں اسے استعمال کرنے کے مختلف طریقے ہیں مگر ہمیشہ یاد رکھیں کہ شہد کو کبھی بھی آگ پر گرم کرکے استعمال نہ کریں کیونکہ آگ پر پکانے سے شہد زہر بن جاتا ہے مگر ہلکے گرم پانی میں پکا کر اسکو قہوے کے طور پراستعمال کیا جا سکتا ہے جو گلے کے کئی امراض میں بے حد مفید ہے ۔