لاہور ( مانیٹرنگ ڈیسک)پاکستان میں ایک کڑور افراد منشیات کے عادی ہیں جبکہ ملک میں منشیات کے عادی لوگوں میں ہر سال 6لاکھ سے کا اضافہ ہوتا ہے ۔ان خیالات کا اظہار ڈاکٹر ظفر اقبال میاں، ڈاکٹر سلیم اختر مظہر اقبال اور ڈاکٹر محمدافضل میونے گلوبل ویلفیئر آرگنائزیشن کے زیر اہتمام منشیات کی تباہ کاریوں کے موضوع پر انسداد منشیات کے حوالے سے لنک روڈماڈل ٹاؤن لاہور میں منعقدہ سیمینار سے خطاب کرتے ہوئے کیا۔ انہوں نے کہا کہ میڈیا رپورٹس اورگلوبل آرگنائزیشن کے مطابق دنیابھر میں پاکستان کے پڑوسی ملک افغانستان سے منشیات سمگلنگ ہوتی ہے جو ہر سال 6900ٹن افیون اور دوسری منشیات کی چیزیں پیدا کرتا ہے جبکہ دنیا کے بعض ممالک میں بھی منشیات تیار کی جاتی ہے۔
افیون کو ہیر وئن سے تبدیل ہونے سے پہلے ہی کئی ممالک میں استعمال کیا جاتا ہے جن میں ایران میں 42فیصد افغانستان اور پاکستان میں 7فیصد بھارت میں 6فیصد جبکہ رشین فیڈریشن میں 5فیصد استعمال کیا جاتا ہے ۔ انہوں نے کہا کہ عالمی سطح پر ہیروئن کا سب سے زیادہ روس میں 21فیصد ہوتا ہے جبکہ چین میں 13فیصد، پاکستان میں 6فیصد بھارت اور ایران میں 5فیصد ہوتا ہے۔ پاکستان میں منشیات استعمال کرنے والوں کی تعداد ایک کڑور تک پہنچ چکی ہے جس میں 10فیصد خواتین شامل ہیں۔ جبکہ ملک میں منشیات استعمال کرنے والے لوگوں میں سالانہ6لاکھ کا اضافہ ہوتا ہے جو انتظامیہ کے لیے چیلنچ بنا ہوا ہے ۔آخر میں منشیات کی تباہ کاریوں سے آگاہی پر مبنی لٹریچر بھی تقسیم کیا گیا۔