لاہور ( مانیٹرنگ ڈیسک) لاہور کے علاقہ شاد باغ میں زہریلا شوارما کھانے سے 9افراد کی حالت غیر ہوگئی، متاثرہ افراد کو طبی امداد کے لیے ہسپتال منتقل کر دیا گیا۔بتایا گیا ہے کہ شاد باغ کے علاقے میں ایک ہی خاندان کے 9افراد زہریلا شوارما کھانے سے بیہوش ہوگئے جن کو کوٹ خواجہ سعید ہسپتال منتقل کر دیاگیا۔ متاثرہ 9افراد میں سے 3 کو ابتدائی طبی امداد کے بعد ہسپتال سے ڈسچارج کر دیا گیا جبکہ باقی 6افراد کی حالت تشویشناک بتائی جاتی ہے۔تھانہ شاد باغ پولیس نے شوارما دکان کے مالک کے خلاف مقدمہ درج کر کے حراست میں لے لیا جبکہ دکان کو بھی سیل کر دیا گیا ہے۔