اسلام آباد (نیوز ڈیسک)زیتون کے تیل کو دنیا کی سب سے صحت بخش چکنائی بھی کہا جاتا ہے اور اب ماہرین طب نے تحقیق سے انکشاف کیا ہے کہ یہ تیل مردوں کی نسبت خواتین کے لئے زیادہ مفید ہے، خواتین میں ہائی بلڈ پریشر، امراض قلب، ذیابیطس اور موٹاپے کا خدشہ مردوں کی نسبت زیادہ ہوتا ہے، زیتون کا تیل خاص طور پر ہائی بلڈ پریشر کے مریضوں کے لئے مفید ہے اور خواتین مریجوں کے خون میں مخصوس ہارمونز کی وجہ سے یہ ان کے لئے زیادہ موثر ثابت ہوتا ہے۔ رپورٹ کے مطابق زیتون کے تیل کو ہرے پتوں اور دیگر سبزیوں کے ساتھ کھانے سے ہائی بلڈ پریشر سے بچا جا سکتا ہے۔ ان سیچوریٹیڈ فیٹ کے ساتھ ساتھ زیتون کے تیل میں خاص قسم کے فیٹی ایسیڈ یا فیٹی تیزاب کثرت سے پایا جاتا ہے۔ زیتون کے تیل میں پائے جانے والے نائٹرو فیٹی ایسیڈ میں قدرتی طور پرحل پذیرایپوکسائیڈ ہائڈرولیس‘ نامی ایک اینزائم موجود ہوتا ہے، جو بلڈ پریشر کو کنٹرول میں رکھتا ہے۔
لندن ہیلتھ جرنل میں شائع ہونے والی تحقیق کے مطابق زیتون کے تیل میں ایسے اجزا بھی پائے جاتے ہیں جو بلڈ پریشر کا باعث بننے والے خمیری مادوں کو کمزور کرنے کا باعچ بنتے ہیں۔ اس تیل کا تجربہ بھیڑوں میں کیا گیا اور دیکھا گیا کہ جن بھیڑوں کو مسلسل ایک سال تک زیتون کا تیل دودھ میں ملا کر پلایا جاتا رہا ان کے جسم میں چربی کی مقدار کم تھی جبکہ ان کے خون میں غیر صحت مند چکنائی کی مقدار بھی کم پائی گئی۔ ماہرین نے اپنی تحقیقات میں یہ بھی انکشاف کیا کہ ورجن یا ایکسٹرا ورجن کی اصطلاح زیتون کے تیل کے ذائقے اور رنگت کے حوالے سے ہے اور صحت کے حوالے سےاس کی کوالٹی پر فرق نہیں پڑتا۔