اسلام آباد(نیوز ڈیسک)اگر آپ تمباکو نوشی کی عادت میں مبتلا ہیں اور اپنے جسم سے تمباکو کے مضر اثرات کو زائل کر نا چاہتے ہیں تو ماہرین صحت کی جانب سے تجویزکردہ چند مفید غذاﺅں کااستعمال کریں۔ماہرین کا دعوی ٰہے کہ مذکورہ غذاں کے استعمال سے چوبیس گھنٹوں کے دوران تمباکو نوشی کرنے والے کے جسم سے تمباکو کے مضر اثرات زائل ہو جائیں گے۔انکی رائے کے مطابق تمباکو نوشی کرنے والے حضرات بروکلی کا استعمال زیادہ سے زیادہ کریں۔بروکلی(گوبھی کا شاخ دار پ±ھول) انسانی جسم میں وٹامن سی کی کمی کو پورا کرنے کیلئے بہترین سمجھی جانے والی غذا ہے۔اس کے استعمال سے انسان کا میٹابولزم سسٹم درست طریقے سے اپنے افعال سرانجام دیتا ہے جس سے پھیپھڑے تمباکو نوشی کے اثرات سے محفوظ رہتے ہیں۔ماہرین کی رائے کے مطابق دوسری اہم غذا ادرک ہے۔تمباکو نوشی کرنے والے اگر ایک چھوٹا ٹکڑا ادرک چبا کر کھا لیں تو اس سے نا صرف انکے جسم سے تمباکو کا اثر زائل ہوگا بلکہ وزن میں بھی خاطر خواہ کمی ہو گی۔انکا کہنا ہے کہ چونکہ تمباکو کے استعمال سے خون کی شریانیں تنگ ہو جاتی ہیں ایسے میں اگر مٹھی بھر گندم کے دانے استعمال کیے جائیں تو اس مسئلے سے نجات حاصل کی جا سکتی ہے۔علاوہ ازیں مالٹے ، موسمی ،پالک، لیموں ، گاجراورانار بھی اہم غذائیں ہیں جن کے مناسب استعمال سے نکوٹین کے مضر اثرات سے چھٹکارہ حاصل کیا جا سکتا ہے۔