واشنگٹن(نیوز ڈیسک) امریکی ماہرین کی نئی حیرت انگیز دریافت کے مطابق انسانی خون کا تھوڑا سا حصہ کھوپڑی میں انجکشن کے ذریعے داخل کرنے سے گنجے پن کی بیماری کا مکمل خاتمہ ممکن ہے۔ ماہرین نے گنجے پن کے اس علاج کو پی آر پی( پلیٹلٹس رچ پلازمہ) کا نام دیا ہے۔ ماہرین کا کہنا ہے کہ انسانی خون میں موجود پلازمہ میں پلیٹلیٹس بہت زیادہ مقدار میں موجود ہوتے ہیں جو بالوں کی بڑھنے کے عمل میں اہم ثابت ہوئے ہیں۔ پی آر پی میں انسانی خون کو بازو سے انجکشن کی مدد سے نکال کر ایک مشین کے ذریعے خون کو مزید مرکبات میں تقسیم کر دیا جاتا ہے۔ خون پیلے رنگ کے محلول جسے پلازمہ کہتے ہیں اور چھوٹے چھوٹے سخت ذرات جنہیں سرخ،سفید خلیے اور پلیٹلیٹس کہا جاتا ہے پر مشتعمل ہوتا ہے۔ پلازمہ اور پلیٹلیٹس سیلز کی نشوونما اور زخم بھرنے میں مدد کرتے ہیں جبکہ پلیٹلیٹس رچ پلازمہ ریڑھ کی ہڈی اور جلے ہوئے زخموں کے علاج میں بھی معاون ہے۔ امریکی ماہرین پلیٹلیٹس رچ پلازمہ کو مردوں کی بال گرنے کی بیماری الوپشیا کے علاج میں استعمال کرنے پر کوشاں ہیں۔ ماہرین کے مطابق یہ علاج 50 سال سے زیادہ عمر کے افراد اور 65 سال سے زیادہ عمر کی خواتین میں بالوں کے علاج میں موثر ثابت ہو ا ہے۔ الوپشیا کی وجہ وراثتی اور ہارمونز میں تبدیلی ہے جو عموما بلاغت کے وقت رونماں ہوتی ہیں۔ ہارمونز کی تبدیلیوں میں اضافہ بالوں کے فولیکز کو متاثر کرتا ہے جس سے بالوں کا گرنا اور لمبائی میں کم ہونا شروع ہو جاتی ہے۔ بالوں کا یہ نیا علاج مینوزیڈل پر مشتعمل ہوتا جو سر کی جلد کو رگڑ کر بالوں کی نشوونما کو یقینی بناتا ہے۔ اس نئی تحقیق کو نیویارک کی یونیورسٹی میں 50 الوپشیا کے مریضوں پر آزمایا جن کے سر میں پی آر پی کو انجکشن کے ذریعے 10 منٹ میں داخل کیا۔ پی آر پی علاج کی تھیوری کے مطابق پی آرپی میں بہت زیادہ مقدار میں خون اور غذائی اجزا ہوتے ہیں جس کے نتیجے میں بال بنانے والے سیلز کے عمل میں تیزی آتی ہے۔ گذشتہ سٹڈی کے مطابق 42 افراد پر آزمایا گئے پی آر پی کے علاج سے بالوں کی نشوونما میں اضافہ دیکھا گیا ہے اور اس علاج کو ایک باحفاظت علاج سمجھا گیا ہے۔ ماہرین کا کہنا ہے کہ پلیٹلیٹس رچ پلازمہ دل کے ٹشوز، خون کی نالیوں اور دل کے مسلز میں ہونے والی توڑ پھوڑ کی بھی مرمت کرتا ہے۔